اكيد طبعا معظم الاعضاء بيحبو الفراخ :bounce:
انا جايبالكم انهارده طريقه عمل الفراخ المحشيه بالكبد والاوانص
المقادير
1 فرخة الحجم اللي تحبوه وتكون مش متقطعه عشان نحشيها
2 طماطم حجمهم وسط
للحشو :
2 ونصف كوب أرز
بصلتين حجمهم كبير
ملح وفلفل أسود
ملعقتين سمن أو زيت ويفضل زيت
هنبتدي بعمل الأرز للحشو
نحط الحلة على النار وفيها الكبده تتشوح حاجه بسيطه
وبعدين نضرب البصلتين في الخلاط ونحطهم على الكبدة ونحط عليهم ملعقتين زيت وملح وفلفل أسود حسب الحاجه نقلب البصل لحد ما يصفر شوية
بعد ما البصل يصفر نحط عليه الأرز وشوية ميه بس مش كتير عشان مش عايزينه يستوي أوي عشان لسه هيكمل سوى لما الفراخ تتسلق في الشوربة
بعد ما الأرز يستوى نص سوى نجيب الفراخ ونحشيها بالأرز ونقفلها بالخل أو ممكن بفتلة وأبرة على حسب المتوفر ومننساش اننا نحشي كمان منظقة الرقبة
وبعدين نضرب الطماطميتين في الخلاط ونحط عليهم ملح وفلفل أسود
ونحط الطماطم على الفراخ ونحطها في صنيه وندخلها الفرن
وبعد ماتحمر الفراخ نطلعها من الفرن ونحطها في سرفيس ونزينها بالشيبسي
وهم ياجمل :lol:
:lol:
