&.. أكبر مكتبــــ متجدد ــــــة للقصص ..&

تقول فتاة عن جدتها عندما سافرت بالطائرة لأول مرة ، حيث جاءت المضيفة وقدمت لها الطعام ، فما كان منها إلا أن قالت : والله لو أدري أني أبكلف عليكم ماجيت!!!!


ههههههههههههههههههههههههه

ان شاء الله تعجبكم

اتصلوا علينا المطار قالوا ترى شغالتكم وصلت ... وعلى شان نفتك من تفويض استلام رحت بنفسي أخذ الشغاله ... المهم وصلت المطار وخذات الشغالة بطبيعة الحال معها شنطه فيها ملابسها ... استلمت الشغاله وطلعنا للسيارة فتحت الشنطه على شان تحط شنطتها ... تفاجأت .... أن الشغاله مدت رجلها بتركب في الشنطه قدام العالم ... وانا ما مسكت نفسي ما قلت لها لا قعدت اضحك وما مسكت نفسي وقمت أشر لها على شان تنزل والعالم تضحك ... المهم في الاخير نزلت من الشنطه ... بس بعد ما كل الموجودين جاهم مسيل الدمووع من الضحك

تذكرت موقف صارلي قبل كم سنة وما راح انساه مرة رحت المكتبة ونزلت من السيارة وشريت مجلة المهم من حماسي على قرايتها صرت اقراها وانا طالعة من المكتبة وانا منسجمة مع المجلة دخلت السيارة وقعدت اقرا الا السواق يطق قزازة السيارة وناظرت القزازة الثانية الا صاحب السيارة مبتسم وطبعا استحيت من هالموقف مرة ما كان لي داعي ابدا وارجو انه ما في احد تعرض لهاموقف المحرج هههههههههههههه


كل القصص منقولة :sexy: :sexy: :sexy: :sexy:

مشكوووور اخوي بصرااحه موضوووع روووووعه

قصة مضحكة مع واحد من الشباب وتكرونية في مكة

هذي سالفة صارت مع ناس رايحين لمكة وهم مجموعة من الشباب اللي فيهم عباطة ولكاعة ومزح زايد شوي

المهم أن واحد منهم ما يستحي أبد وجهه مغسول بمرق طلع يوم من الأيام من عند ربعه من الشقة

ولقى ( تكرونية ) منسدحة على الرصيف ترضع ولدها وقف يناظرها والرجال ما تطوف عليه العيارة أبد راح وجاب معه كوب فاضي ... أشر للتكرونية .. وقال : ممكن شوي حليب ... ناظرت فيه التكرونية بعيون قشرا .. وقالت : يالله روحي .. أنت ما يستهي .. أنت همارة

الرجال : صامل ولا همه .. طلع خمسين ريال .. وقال : أبغي حليب .. وابعطيك خمسين ريال .... حنت التكرونيه وطاحت لهاتها عند الدراهم

الرجال شافها لانت وحنت وقال : أبعطيك مية ريال ... التكرونية ... وافقت ... وأخذت الكأس وحلبتله وملت الكأس ...

عطاها الفلوس ورجع لربعه ...! ! ! ! دخل عليهم ..... ومعه الكأس مليان ...

قال : يالربع لقيت واحد عند باب الحرم يبيع حليب يقول أنه حليب خلفات << يقصد مدام الجمل آي الناقه ... وانا ودي أشرب حليب خلفات

وأعرف أنكم تحبونه .. بس قلت أخاف أنه غاشني وأخذت منه هالكوب علشان تشوفون هو حليب خلفات وإلا حليب قواطي ..

طمر واحد مافيه صبر .. وقال : هاته أنا اللي أعرف حليب الخلفات ... هات أشرب

وكل واحد يقول عطني أذوقه وأنا أعلمك ... وتهاوشوا علشان كلن يبي يشرب

المهم قال :

يالربع كل واحد يشرب منه فنجال .... ونشوف ... كل واحد خذا فنجال أو فنجالين وشربها .. وآخر واحد خذا الكأس .. ولطه .. ولحس الباقي باصبعه كمان

يوم خلصوا ... قال وش رأيكم

أحد يقول حليب خلفة .... بس حالي ... يمكنها بكرة

واحد يقول لا : أنا أبخص تراه غاشه حاط فيه سكر

= = =

يوم قضوا .... قال لهم هاه اشرايكم نروح نشتري منه !!!!

قالو لا بصراحه مايستاهل

المهم حاول فيهم وحلف عليهم لين اقنعهم كلهم يروحون معاه

راحوا لين وداهم عند التكرونيه

الا هي قاعده ترضع ولدها في نفس مكانها


قال لهم يا شباب

7

7

7


7

7

7



7

7

7



7

7

7






7

7

7

تراكم كل أبوكم إخوان هذا من الرضاعة

تقول كنا في مكة ايام الحج وكانت خيمتنا في مكان مرتفع بعيد عن سيـارات الماء .. ذهب أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج (تبرد) يدين خواتي المهم خواتي سحبوا إحرامه (السفلي) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك

مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..( والله الذكاء

واحد تزوج على زوجته ( ومن الحرة اللي فيها )... جت في ليلة عرسه خذت ثيابه اللي بيلبسها ومسحت عليها قشر" برشوم " والبرشوم فاكهة لها اشواك رهيبة وماتنشاف

<<<<<<<<<<<< زين سوت

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!

وهذي سالفة أمي قامت تلبس شرشف الصلاة تبي تصلي وفجأه رن التلفون ورفعت السماعه وبدل ماتقول ألو قالت الله أكبر هههههههههه وبصراحه عجزت تتكلم ورمت السماعه وطاحت من الضحك ........

هذا الله يسلمكم .. ليلة زواج العريس ,, كان مجتمع مع اخوياه بالاستراحة ... تعرفون بكره زواجه وقال آخر ليلة ابيها مع الشباب بالاستراحة ... عاد من ضمن السوالف ، قالوا هاه وش تبي نسوي لك مقلب ؟؟ قال لا هين ما تقدرون ..قالوا شف المقلب مسوينه مسوينه .. مير تبيه بالقصر والا قبل لا تروح والا بالفندق
الرجال مسكت معه وقال أبد تحدي .. ماتقدرون تسوون فيني مقلب
تزوج الرجال وتوجه للفندق مع عروسته .. وتوهم داخلين الفندق وجالسين أول ليلة ،، والفندق مرتب ومتكتك .. رن جرس الغرفة .. فتح واثره العامل اللي يشتغل بالفندق ومعاه سلة فواكه .. هدية من الفندق للعرسان
اخذها وحطها عند العروس .. جلس شوي ورنّ الجرس مرة ثانية ، راح فتح الباب واثره العامل معه بوكيه ورد وفيه كرت
أخذ البوكيه وحطه بالغرفة .. على أساس إن البوكيه هدية من الفندق لهم ، استأذن زوجته بيدخل دورة المياه - الله يعزكم - فزوجته كانت تبي تشوف الكرت اللي في البوكيه .. وش مكتوب فيه .. وكانت الصدمة :
ألف ألف مبروك الزواج .. وأتمنى لك التوفيق في حياتك الجديدة
..أموله..
انهارت الزوجة !! منهي أموله ؟؟؟ وفي ليلتي .. تبارك لزوجي وبكل وساعة وجه !! طلع زوجها من دورة المياه واثر زوجته تصيح وتشاااهق .. وش فيك يابنت الحلال ؟؟ وش صاير .. عطته الكرت اللي بالبوكيه .. الرجال انهبل .. قسم بالله ما اعرفها ولا ادري منهي .. والبنت مسيكينة الدموع اربع اربع !!! شوي ويرنّ الجرس مرة ثانية .. واثره العامل معه بوكيه ورد ثاني ومعه كرت
مكتوب فيه :
ألف ألف مبروك زواجك .. ونتمنى لك التوفيق في حياتك الجديدة
أخوياك بالاستراحة ( أموله )
والرجال يوريها زوجته .. شوفي قسم بالله انهم اخوياي .. هم اللي مسوين المقلب .. وبالأخير اقتنعت البنت !!!
يعني خربوا عليه أول ليلة في حياتهم .. بسبب هالتصرف !!!!!
***




ان شاء الله تعجبكم

هذا الله يسلمكم واحد تزوج وكانت اموره كل شي زي اللوز ، وكل شي عدا على خير
أخذ زوجته وراحوا لبيتهم الجديد ... وبينما هم جالسين ( ركزوا على بينما ) المهم .. دق جوال الرجال واثره واحد من اخوياه
سلام عليكم .. عليكم السلام ,, ألف مبروك يابو فلان .. والله يوفقك يارب .. واعذرنا ماقدرنا نبارك لك بالقصر .. لأن حنا جايين من الديرة .. وضيعنا الطريق شوي .. ويوم وصلنا واثر المعازيم ماشين ولا قدرنا نبارك لك .. بس قلنا نبارك لك لو بالتلفون
قال انتم وصلتوا يعني ؟؟ قالوا ايه .. قال تعشيتوا ؟؟ قالوا لا والله بس كنا نبي نبارك لك .. قال ابد والله ان تمروني تتعشون عندي .. دامكم جيتوا وتعنيتوا من الديرة .. الا تجون تتعشون عندي
يا ابن الحلال ... عدل بدل ،، الرجاااال مصرّ الا يجون
البنت طبعا طااايرتن عيونها !! وش اللي تعالوا تعشوا عندي ..!! وش هالزوج اللي توهقت فيه خخخخخخخخخ المهم أول ماسكر السماعه قال لزوجته هذولا أخوياي جايين من الديرة ولا لحقوا على العرس بالقصر .. وفشيلة إني ما أستقبلهم ،، أنا بروح اجيب اغراض العشاء وأبيك تطبخين لنا !! الحاصل راح وجاب رز وبصل وطماط وملح وكل شي .. وحطها بالمطبخ قال اطبخي لنا .. اخوياي بيجون الحين
البنت تطبخ وتصيح وتقول في نفسها .. بكره أنا في بيت أهلي .. وش هالعييييييشة
يوم تعشوا وخلصوا .. دخل الزوج على زوجته بالصالة .. وعطاها مبلغ 50.000 ريال قال تفضلي
قالت وش ذولي ؟؟ قال هدية لك .. بمناسبة هالموقف اللي صار اليوم !! قالت شلون وش السالفة ؟؟
قال السالفة ومافيها ان الموضوع تحدي كان بيني وبين الشباب قبل الزواج .. قايلين لي اتحداااك تخلي زوجتك بأول ليلة من زواجها تطبخ لنا !! والتحدي كان من خمسين ألف ريال .. واخوياي ما جو من الديرة ولاهم يحزنون .. الموضوع ومافيه تحدي ,, والمبلغ هذا من حقك انتي
البنت بلعتها .. وانبسطت لسبب واحد .. قالت اشوى ان هالطبع فيه مب صدق !! والا كان علوم ,, وأخذت الدراهم .. بس وش الفايدة لا خربوا أول ليلة في حياتك الجديدة !!

هذا واحد قرر يتزوج ،، ومشت أموره تمام .. وقالوا له أخوياه .. ترى لازم حنا نسوي لك شي في يوم عرسك .. وترى حنا اللي راح نجيب لك العشاء اذا رحت مع زوجتك للفندق .. بنتكفل فيه وبنجيب لكم شي مرررتب
الرجال قال أبد ياشباب ماتقصرون ويكفي شعوركم .. ومن هالكلام
واحد من الشباب قال للباقين .. تكفون خلوا العشاء علي انا لحالي ،، الرجال هذا من أعز الناس عندي .. وودي يوم عرسه أجيب له أنا عشاه .. وخلونا حنا مرة ثانية نجيب له شي يصير مننا كلنا .. قالوا دام كذا أجل خلاص
تزوج اخونا في الله وراح مع زوجته على أساس إن خويه هو اللي بيجيب له العشاء ويوصله للفندق بنفسه
بعد ماجلسوا فترة بالفندق .. رنّ الجرس وفتح العريس الباب وأثره خويه
والمصيبة إنه جايب له العشاء كيسة رز بخاري وبصل وجرجير
ويمدها له وهو ميت ضحك
وش موقف الزوج ؟؟؟؟؟؟؟؟؟؟ أترك لكم التعليق

هذا واحد تزوج وراح مع زوجته لبيتهم الجديد والمعاريس جالسين ومستحين .. وصحن فواكه .. وعصيرات وكل واحد يسترق النظرات .. وطاقتهم أم الركب وحالتهم صعبة !! شوي الا يطفى النور
يااااوك وش السالفة .. طلع الزوج وفتح الطبلون حق الكهرب واشتغل النور
رجع مرة ثانية .. وطفى النور .. وراح مرة ثانية وشغله
ومرة ثالثه ورابعه وخامسه !!! وجلس على هالحالة من 12 بالليل لين أذن الفجر خخخخخخ .. والسبب ؟؟ أخوياه يبون يسوون فيه مقلب .. يعني يالله خربوا أم أم الليلة عشان ضحك واستهباااال
***

موضوع رائع ..
مشكوووورة ..

مشكوور أخوي على الموضوع دموعي أربع أربع من الضحك :’ـأإ%: